Viral News: గ‌ద్ద‌లు, కొంగ‌లు, కొన్ని ర‌కాల ప‌క్షులు చేప‌ల్ని వేటాడి తింటుంటాయి. అయితే.. చాలా మ‌టుకు చేప‌లు వాటి నోటి నుంచి జారుకుని త‌ప్పించుకుంటూ ఉంటాయి. ఇలాంటివి మనం నేష‌న‌ల్ జియోగ్రాఫిక్ చానెల్స్‌లో కూడా చూస్తుంటాం. కానీ పై ఫోటోలో క‌నిపించేది మాత్రం ఓ షాకింగ్ విష‌యం. ఓ ప‌క్షి.. ఈల్ చేప‌ను మింగి ఎగురుతుండ‌గా.. ఆ ఈల్ చేప దాని కడుపు చీల్చుకుని బ‌య‌టికి వ‌చ్చింది. ఈ దృశ్యాన్ని ఓ ఫోటోగ్రాఫ‌ర్ త‌న కెమెరాలో బందించాడంటూ.. నేచ‌ర్ ఈజ్ అమేజింగ్ అనే ఎక్స్ ఎకౌంట్ పోస్ట్ చేసింది. దాంతో ఈ ఫోటోకి ల‌క్ష‌లాది లైక్స్, షేర్స్ వ‌స్తున్నాయి. కొంద‌రేమో ఇది నిజంగా విచిత్ర‌మే అని కామెంట్స్ చేస్తుండ‌గా.. మ‌రికొంద‌రు మాత్రం ఈ ఏఐ కాలంలో దేన్నీ న‌మ్మ‌లేం అని అంటున్నారు.