Vizianagaram: గురుర్బ్రహ్మ గురుర్విష్ణుః గురుర్దేవో మహేశ్వరః గురు స్సాక్షాత్పర బ్రహ్మ తస్మై శ్రీ గురవే నమః అని ప్ర‌తి పాఠ‌శాల‌లో పిల్ల‌ల చేత చ‌దివిస్తారు. కానీ ఇప్పుడు కాలం పిల్ల‌ల‌కు గురువు ప‌ట్ల గౌర‌వం, భ‌క్తి అస‌లు క‌నిపించ‌డంలేదు అన‌డానికి ఈ ఘ‌ట‌నే నిద‌ర్శ‌నం. చ‌దువు చెప్పే గురువును చెప్పుతో కొట్టింది ఓ విద్యార్థిని. ఈ ఘ‌ట‌న విజ‌య‌న‌గ‌రంలోని రఘు ఇంజనీరింగ్ కళాశాలలో చోటుచేసుకుంది. కాలేజ్‌కి ఫోన్ తీసుకురావ‌డ‌మే కాకుండా క్లాస్ రూంలో ఫోన్ వాడుతోంద‌ని ఓ టీచ‌ర్ ఆమె ఫోన్ లాక్కుంది. ఫోన్ తీసుకొని ఇవ్వలేదని టీచర్‌తో వాగ్వాదానికి దిగింది. ఇద్దరి మధ్య గొడవ పెరగడంతో.. ఆ ఫోన్ రూ. 12 వేలు ఇస్తావా లేదా అంటూ టీచర్‌ని బూతులు తిడుతూ చెప్పుతో కొట్టింది. అక్క‌డున్న ఇత‌ర విద్యార్థులు వీడియో తీయ‌డంతో వైర‌ల్‌గా మారింది. ఆ అమ్మాయిని కాలేజ్ నుంచి స‌స్పెండ్ చేయాల‌ని డిమాండ్ చేస్తున్నారు.