Allu Sirish Wedding: న‌టుడు అల్లు శిరీష్ త‌న పెళ్లి తేదీని కాస్త ఇంట్రెస్టింగ్‌గా ప్ర‌క‌టించారు. త‌న సోద‌రుల పిల్ల‌ల‌తో ఇన్‌స్టాగ్రామ్‌లో బాగా వైర‌ల్ అవుతున్న పాట‌కు డ్యాన్స్ చేస్తూ త‌న పెళ్లి వ‌చ్చే ఏడాది మార్చి 6న జ‌ర‌గ‌నుంద‌ని తెలిపారు. అయితే.. త‌న పెళ్లి వేడుక‌లో సంగీత్, హ‌ల్దీ వంటి ఫంక్ష‌న్లు ఉండ‌వ‌ని ఎందుకంటే సౌతిండియ‌న్ వెడ్డింగ్‌లో ఇవి ఉండ‌వ‌ని తెలిపారు. అయితే.. శిరీష్ త‌న వివాహ వేడుక‌ను మార్చి 6నే ఎందుకు నిర్ణ‌యించారో తెలుసా? ఆయ‌న సోద‌రుడైన అల్లు అర్జున్ వివాహం కూడా అదే తేదీన జ‌రిగింది. అర్జున్, స్నేహ రెడ్డిల వివాహం 2011 మార్చి 6న అంగ‌రంగ వైభ‌వంగా జరిగింది. దాంతో త‌మ్ముడు కూడా అదే రోజున వివాహ బంధంలోకి అడుగుపెట్ట‌నున్నారు.