Renu Desai: ఎప్ప‌టినుంచో అనుకుంటున్న త‌న క‌ల మొత్తానికి నెరవేరింద‌ని అన్నారు రేణూ దేశాయ్. దాదాపు పద‌కొండేళ్లుగా ఆమె మూగ‌జీవాల సాయానికి, చికిత్స‌కు, ఆహారానికి సంబంధించి సాయం చేస్తున్నారు. ఎన్నో ఎన్జీవో సంస్థ‌ల‌కు త‌న వంతు సాయం చేస్తున్నారు. అయితే.. త‌నంతట తానే ఓ సంస్థ‌ను మూగ జీవాల కోసం కేటాయించాల‌ని ఎప్ప‌టి నుంచో అనుకుంటున్నార‌ట‌. అది మొత్తానికి నెర‌వేరింద‌ని అన్నారు. ఈ సంస్థ కోసం ఇటీవల ఓ భూమిని కొనుగోలు చేసాన‌ని.. పూర్తిగా రెడీ అవ్వ‌డానికి కాస్త స‌మ‌యం ప‌డుతుంద‌ని అన్నారు. నిజాయ‌తీగా సాయం చేయాల‌నుకునేవారు త‌న‌తో చేతులు క‌ల‌ప‌చ్చ‌ని పిలుపునిచ్చారు. త‌న‌కెంతో ఇష్ట‌మైన ద‌ర్శ‌క‌త్వం చేస్తూనే ఈ ఎన్జీవో న‌డుపుతాన‌ని.. త‌న‌కు అస‌లైన ఆనందం, సంతృప్తి ఈ ఎన్జీవోలోనే ఉన్నాయ‌ని తెలిపారు.